夜場客簽反佔中? 同去浦打卡有咩分別? 唔知東莞有無得簽呢?
馬照跑、舞照跳，50年不變的承諾，哪裏去了？港九舞廳夜總會聯合總商會日前向會員發出通告，呼籲簽署反佔中表格，部份夜場更備有大量表格，連舞小姐、恩客也通通「照殺」。有業內人士透露上級吩咐，不肯簽名的客人，獲安排小姐的質素將「冇咁好」，肯簽則送果盤。不過，大部份恩客接到表格劈頭就鬧：「就算反佔中都唔係喺度簽啦！做乜唔擺埋殯儀館？邊有人嚟尋開心肯畀個人資料你？邊有小姐想俾人知做呢行呀？」
《蘋果》取得一張照片，相中場景相信是旺角一間夜場的結賬櫃檯，檯上貼有一張「港九舞廳夜總會聯合總商會」及「娛樂界權益關注組」發出的通告，呼籲業界支持反佔中簽名運動，旁邊更附有一大叠反佔中簽名表。網民質疑「去夜場都要簽名反佔中？夜場PR都要反佔中？」
夜場業內人士「波仔」向本報透露，前晚有「大佬」將一大叠簽名表交到他工作的夜場，指一星期後要交回。波仔說，有上級指明，要各經理將表格拿給客人簽名，「唔簽嘅，招呼、女仔級數會冇咁好，肯簽名嘅就有果盤送，或者簽半打啤酒送畀佢」。
波仔坦言只有清潔阿姐、會計人員和部份年紀較大的小姐願簽，「佢哋通常好乖，因為驚冇咗份工」。
「做乜唔擺埋表格喺殯儀館」
他指人人都不想簽不止為了政治原因，更是為了個人私隱，「邊個想俾人知自己做小姐？邊有人嚟開心都要留低資料畀你？經理攞入去，俾人×到冇癮，（簽名表）俾人撕爛咗好多張，爆晒粗咁鬧，就嚟七月十四，做乜唔叫周融擺埋（表格）喺殯儀館？」
波仔呻道，這兩天因叫客人簽名反佔中被詐型，得罪客人要「硬食」送果盤送啤酒，全由經理自費，「出面簽名都可能有着數，我哋乜都冇，仲要自己頂。一個果盤當你50蚊，一晚簽20個就冇咗成千蚊。撞正啲大哥，攞入去叫佢簽，俾人爆樽都似」。波仔說，沒有人逼他簽名，也沒聽說要「跑數」，「但係大哥攞到落嚟，邊個敢唔簽？為搵食，可以點？」香港舞廳、夜總會日漸式微，今次再要客人留下個人資料形同趕客，他指相信灣仔、旺角等夜場也有類似情況，奉勸周融等人高抬貴手，免夜場難做。
港九舞廳夜總會聯合總商會有50多個會員，佔全港夜總會約八成。理事長李雄接受《蘋果》訪問承認，有向所有會員發出有關通告，表達總商會立場。對於提供簽名表，他說每個夜場的主理人有不同做法，他不清楚各夜場情況，但強調任何人都有自由，簽名是自願性質。
在中環經營三間夜場的上市公司Magnum老闆葉茂林表示，未有聽聞員工在旗下夜場放置「反佔中」表格，但強調佔中嚴重影響香港經濟，他極力反對，因此倘有團體要求在他的夜場擺放表格，他會樂意幫忙，但自己因工作忙碌，仍未簽名。
