恭喜恭喜，立法會噚日傳出喜訊，白鴿黨涂謹申宣佈太太阿 Sue有咗，預產期今年 11月，即係今年可以一家三口過聖誕節。兩夫婦都係虔誠教徒嘅阿涂不斷話做老竇感覺好神奇，屋企多個小生命，係恩典。
回歸後首有議員生仔
阿涂同阿 Sue喺 09結婚，阿涂「恨」做老竇係公開嘅秘密，因此包括八方在內，一眾親戚朋友都密切留意兩人幾時再報喜訊。阿涂表面上保持輕鬆，一直都話造人要順其自然，實情佢好緊張，八方月前去佢屋企，見到書房有本關於自然分娩嘅書，果然不出所料，咁快就 bingo，應該係回歸後首次有在任議員生 BB。
阿 Sue懷孕三個月，阿涂話暫時未知係仔抑或係女，總之 BB係上天恩賜，仔、女都無所謂。佢強調呢次純屬意外，因為去年買樓時，買咗個三房改兩房單位，一心諗住過二人世界，家增添新成員，要將書房變做 BB房了。
各方好友得悉涂家有喜後，第一時間道賀之餘，就係問佢哋搵到醫院床位生 BB未，事關內地孕婦大軍來港，香港媽媽隨時爭唔到位。據阿涂講，家庭醫生叮囑佢哋要立即去養和留位，佢話好多手續都係搞到先知，「未做過老竇，真係唔識」。阿涂初為人父，心情緊張好正常，好彩佢黨友、朋友多為人父母，因此唔怕冇人教佢哋湊仔知識，呢方面八方就未幫得上忙嘞。雖然 BB年底先出世，不過阿涂似乎已經做咗唔少功課，話原來家啲細路要參加好多 playgroup，忙碌程度，隨時同做議員有得揮。
阿 Sue懷孕三個月，阿涂話暫時未知係仔抑或係女，總之 BB係上天恩賜，仔、女都無所謂。佢強調呢次純屬意外，因為去年買樓時，買咗個三房改兩房單位，一心諗住過二人世界，家增添新成員，要將書房變做 BB房了。
各方好友得悉涂家有喜後，第一時間道賀之餘，就係問佢哋搵到醫院床位生 BB未，事關內地孕婦大軍來港，香港媽媽隨時爭唔到位。據阿涂講，家庭醫生叮囑佢哋要立即去養和留位，佢話好多手續都係搞到先知，「未做過老竇，真係唔識」。阿涂初為人父，心情緊張好正常，好彩佢黨友、朋友多為人父母，因此唔怕冇人教佢哋湊仔知識，呢方面八方就未幫得上忙嘞。雖然 BB年底先出世，不過阿涂似乎已經做咗唔少功課，話原來家啲細路要參加好多 playgroup，忙碌程度，隨時同做議員有得揮。
向黨滙報免影響選舉
家有喜事，阿涂上星期五率先通知黨高層，高達噚日話自己早幾日就知道，又笑言終於證明阿涂係鐵漢喇。點解生仔都關個黨事呢？因為今年底係區議會選舉，阿涂今年是否去馬參選，盤算相信大受影響。佢噚日坦言目前「形勢複雜」，事關太太預產期 11月，正是區議會選舉之時，上陣參選可能唔夠時間陪太太，因此好難決定。八方覺得好容易決定就真，未出世就幫爸爸解決咗個難題，呢個 BB真係精靈到極呀！
沒有留言:
發佈留言