旺角美而廉 轉戰大角嘴

老店重開是好事,我最愛他們的態度(寸),不管進去的是什麼人,他們都是一樣,
重視所謂高尚服務態度的人,總是不喜歡這家老店
但想想把,這老店就是保留50年來平民西餐廳的味道,當然少不了基層的氣味,
最少我光顧了近30年,最多只系點菜時被"寸",而沒有不禮貌的對態,
而他們的態度,當然是雙向及互動的

有接近 50年歷史嘅港式扒餐廳「美而廉」，喺旺角嘅總店因為業主收樓關係，已經鐵定做埋聽日結業。
自從傳出咗呢間老店告別嘅消息後，唔少新知舊雨都趕去幫襯，希望臨別緬懷一下那些年嘅情懷，店外不時排晒長龍，想鋸扒幾乎一定要等位。不過，美而廉嘅粉絲唔使失望，八方噚日收到風，美而廉已經喺大角嘴塘尾道搵到新舖，今個月底就會原班人馬重新開業。
八方噚日向美而廉老闆陳澤球求證，佢就話呢段日子班街坊熟客咁熱情支持，令佢好感動，佢又怕呢頭結業嗰頭又重開，會俾人怪佢哋，所以佢好低調，冇喺舊舖張貼搬遷告示，連熟客問到都唔講咁多。其實陳老闆肯繼續經營，班熟客開心都嚟唔切，又點會怪你呢？

座椅杯碟會保留

放大圖片

老闆陳澤球噚日仲捧住舊鐵板招呼食客。
何柏佳攝

所謂夫唱婦隨，老闆娘陳太一樣擔心熟客怪佢，舊舖裏面嘅卡位座椅、牆上嘅巨型餐牌、盛載扒餐嘅鐵板同杯杯碟碟，都有熟客提出買嚟留念。陳太話新店會保留呢啲懷舊特色，呢啲都係非賣品。