天寒地凍 幫BB沖涼 唔好急 一定要快

天寒地凍 幫BB沖涼 唔好急 一定要快

天寒地凍，聽到朋友準備幫BB沖涼過程，真系有笑有淚。

BB未進場，友人先根據天書排出「沖涼大陣」，細細的地方分出「換衫區」「沖身區」，睇熟所有東西的位置，毛巾、尿布、乾身粉都特定位置，還要準備多一套後備用品，預防中途有任何閃失，BB進行「下水禮」之前再CHECK多次所有用品，回想一次沖涼步驟，差D要用個公仔演練一次，做甘多野只系唔想BB冷親。

人心肉做，邊個見到BB病唔會心痛？如果某人為人父母亦都唔覺心痛，讀者叫佢諗吓，如果BB病左……深夜咳醒要抱抱、定時餵藥、畀丈夫 / 太太話佢唔關心BB的話，付出精力系唔系好大呢！總之BB凍親已經唔好，自己幫佢沖涼O個陣冷親就更加唔好。

好在前人發明暖風機，如果經濟及環境許可，BB沖涼先暖暖地方絕對是好事，不過暖風機就系暖風機，唔好認錯系時光機，掛住陪BB玩水，D水凍左都唔知，所以幫BB沖涼‧唔好急‧一定要快，今個寒戰，準備好未？